සාහිත්‍යයට නොමද සේවයක් කළ කේ ජයතිලක ගාන්ධර්වයන්

  


            මොහු කුඩා කාලයේ රදාවානේ ආණ්ඩුවේ පිරිමි  විද්‍යාලයෙන් මූලික අධ්‍යපනය හදාරා තිබේ. පසුව රදාවාන මහා විද්‍යාලයට ඇතුලත්ව අධ්‍යාපනය ලබන්නට විය . පාසල් අවධියේ සිටම මොහු විවිධ සාහිත්‍ය නිර්මාණයන් කර තිබේ. පාසල් දිවියෙන් සමුගත් පසුව විවිධ පෞද්ගලික ආයතනයන්හි රැුකියාවල නිරතව ඇත . කෙසේ නමුත් මොහු සාහිත්‍යයට පැවති ඇල්ම ඉවත් වූයේ නැත . රැුකියාවන්හි නිරත වෙමින් ද විවිධ සාහිත්‍ය වැඩසටහන් හා සම්බන්ධ වෙමින් සාහිත්‍ය නිර්මාණයන් සිදු කරන්නට විය . පසුව ලන්ඩන් විශ්ව විද්‍යාලයේ දී සිංහල පිළිබදව ගෞරව උපාධියක් ලබා ගනී .
සාහිත්‍ය නම් මාණික්‍ය ඔපවත් කිරීමට ඇප කැප වූ විශිෂ්ඨ උත්තමයෙකු ලෙස කේ ජයතිලක ශූරීන් හැදින්විය හැකිය . 1926 ජුනි මාසයේ 27 දින සියනෑකෝරලයේ  රදාවාන , කන්නිමහර ග‍්‍රාමයේ උපත ලබා තිබේ . කළු ආරච්චිගේ අර්නේාලිස් අප්පුහාමි හා මද්දුමාගේ පොඩිනෝනා නම් යුවලට උපන් පවුලේ පළමු පිරිමි දරුවා කේ ජයතිලක ශූරීන් විය . එම පවුලේ සොයුරු සොයුරියන් 9 දෙනෙකුගෙන් යුතු විය .

එසේම කේ ජයතිලක මහතා සාහිත්‍ය පිළිබදව විශ්ව විද්‍යාලයන්හි දේශන පැවැත්වීමෙහි ද නිරතව ඇත . එසේම මොහු ේකකතා රචකයෙකු , නවකතාකරුවෙකු , විචාරකයෙකු ලෙසින් ප‍්‍රසිද්ධියට පත්ව ඇත .
කේ ජයතිලකයන් මුල් කාලයේ පුවත්පත් සදහා ද ේකකතා ලියන්නට විය . සාහිත්‍ය ලෝකය සමග අත්‍යන්තයෙන් බැදී සිටි මෙතුමා විසින් සාහිත්‍යයට නොමද දායකත්වයක් ලබා දී ඇත. සමාජයේ ඇති විවිධ මාතෘකා හා විෂය ක්ෂේ‍්‍රත‍්‍ර පිළිබදව පෘථුල අවබෝධයක් පැවති මොහු ඒ සම්බන්ධයෙන් නවකතා ේකකතා ලියන්නට විය .

අතීතයේ ලියූ එම නව කතා , කෙටිකතා ආදිය අතීතය තුළින් මිය යාමට නොදි වර්තමාන සමාජය තුළ ද එය සුපුෂ්පිත වන්නට ඔහුගේ හැකියාව අනභිභවනීය වේ .
විවිධ සාහිත්‍ය කෘති රචනා කරමින් සමාජයේ සිටින පුරවැසියන් දැනුමින් සන්නද්ධ කරන්නට ආකල්පමය වෙනසක් ඇති කරන්නටත් හාස්‍යයට ලක් විය යුතු කරුණු හාස්‍යයටද තක් කිරීමට ද එමගින් හැකි විය . මොහු සාහිත්‍ය සමග මුළු ජීවිත කාලයම බැදී සිටි බව හදුනාගත හැකි ය .





කෙටිකතාකරුවෙකු ලෙසින් මොහු ළමා , තරුණ , මහලූ ආදී සියලූම පිරිස් අතර ජනපි‍්‍රයත්වයකට පත් විය . ඔහු අතින් ලියා ප‍්‍රසිද්ධියට පත් වූ කෙටි කතා කිහිපයක් ලෙස
x    එකගෙයි අවුරුද්ද
x    නොනිමි සිත්තම
x    අතීරණය
x    වජිර පබ්බත
x    පුනරුප්පත්තිය
x    කටු සහ මල්
x    දියණිය ආපසු යයි
වැනි කෙටි කතා හදුනාගත හැකි ය . 




එසේම මොහු නවකතා රචකයෙකු වශයෙන් ද ජනපි‍්‍රයත්වයට පත් විය .  ඔහුගේ අතින් ලියැවුණ ප‍්‍රබලතම නවකතාවක් ලෙස චරිත තුනක් හදුනාගත හැකි ය . මීට අමතරව ඔහු විසින් තවත් නවකතා ලියවිණි . ඒවා නම්
x    පරාජිතයෝ
x    පුංචි රාළගේ මරණය
x    රාජපක්ෂ වලව්ව
x    මතු සම්බන්ධයි x    මායා මාලිගා
x    කාලෝ අයංතේ
x    දෙලොවටම නැති අය
x    අප‍්‍රසන්න කතාවක්
x    පිතා මහ
x    අර්ධ නවකතාවක්
x    අධිෂ්ඨාන
x    පියා සහ පුත්තු
x    මහල්ලෙකුගේ පේම කතාවක්
x    පුංචි රාළ
වැනි නවකතාවන් ය . 

මින් නොනැවතී කුඩා ළමුන් සදහා කෘතීන් ලියන්නට විය එනම්
x    අමුතු කතා
x    රුවන් කුමාරි
x    ඩුං ඩුං ඩුඩු ඩුං
x    ඉරුණු බළලා
x    පුංචි වළාකළ සහ පුංචි පුතා
x    ඉස්සරහ බලන්නකො
x    අයියයි නංගියි
x    ඔරලෝසුව සහ ලස්සන ළමයි
x    කතන්දර පොත
එසේම විවිධ පැරණි පොත් පිළිබදව විචාරයන් ඉදිරිපත් කර තිබේ. ඒ අතර දෛවයෝගය විචාරය , සාහිත්‍ය විචාර සටහන් , නවකතා කලාවේ විකාශනය වැනි සාහිත්‍ය විචාරයන් හදුනාගත හැකි ය .

මෙලෙසින් සාහිත්‍යට නොමද දායකත්වයක් ගෙනෙන්නට කේ ජයතිලක ශූරීන් සමත්ව ඇත . උපන් ගමට මෙන්ම මුළු රටම සුවදවත් කරමින් පර නොවී එම සුවද වර්තමානය දක්වාම පැතිරෙන්නට ඔහුගේ සාහිත්‍ය කෘති ප‍්‍රබල විය . ඔහුගේ කෘති රසවත් නොවූයේ නම් අතීතයේ ලියැ වී අතීතයේම මියදෙනු නිසැකය . නමුත් මෙතුමා විසින් ලියූ කෘති එදත් අදත් මතුවටත් පවතිනු ඇත .
කුඩා කල සිට මව් සෙවනේ සිටිමින් කතාන්දර ඇසූ එතුමා පසුව බොහෝ පිරිසකට සාහිත්‍ය ප‍්‍රබෝධයක් ඇති කිරීමට මොහුගේ කෘති ඉවහල් වී ඇත .

2011 සැප්තැම්බර් මස 14 වන දා වසර 85 ආයුෂ විද මෙලොවින් සමු ගන්නට විය . මෙවැනි වූ සාහිත්‍යධරයන් මතුවටත් වැජඹේවා මේ ලක් මව් තුරුලේ .

 සෙව්වන්දි රශ්මිලා අධිකාරි