සන්නිවේදන කුසලතා වෘත්තීය සාර්ථකත්වය කෙරෙහි වැදගත් වන අයුරු

    යම් පුද්ගලයෙකු සමාජයේ ජීවත්වීමට හා යම්කිසි වෘත්තියක නියැලීම සිදු වේ . මේ අවස්ථාවන් වලදී මිනිසාට බොහෝ ප‍්‍රශ්නකාරී තත්ත්වයන්ට මුහුණ දීමට සිදු වෙයි . නමුත් ගැටලූවක් ඇති වීමට පෙර අප එයින් මග හැරීමට නොඑසේ නම් ගැටලූවක් ඇති නොවන පරිද්දෙන් කටයුතු කිරීමට එැකකි නම් එය ඉතා යහපත් වේ . මෙම ගැටලූවලින් ඉවත් වීමට නම් සන්නිවේදන කුසලතා අනුගමනය කිරීම වැදගත් වේ. සන්නිවේදන කුසලතා යනු බාධාවකින් තොරව පැහැදිලිව ක‍්‍රමවත්ව සිදු කිරීමට උපකාරී වන්නා වූ කි‍්‍රයා පිළිවෙතකි .  සන්නිවේදන කුසලතා ප‍්‍රධාන වශයෙන් පහත දැක්වෙන ඒවා හදුනාගත හැකි ය .
x    අන්තර්වර්තී පුද්ගල සන්නිවේදනය
x    පුද්ගලාන්තර සන්නිවේදන කුසලතා
x    කුඩා කණ්ඩායම් සන්නිවේදන කුසලතා
x    අන්තර් සංස්කෘතික සන්නිවේදන කුසලතා x    නිර්වාචික සන්නිවේදන කුසලතා
x    ප‍්‍රශ්න ඇසීමේ කුසලතා
x    සම්මුඛ සාකච්ජා පැවැත්වීමේ කුසලතා
x    සංවිධනාත්මක සන්නිවේදන කුසලතා

අන්තර්වර්තී පුද්ගල සන්නිවේදනය
අන්තර්වර්ථී පුද්ගල සන්නිවේදන කුසලතා ඉතා වැදගත් වන්නක් ලෙස හදුනාගත හැකි ය. අන්තර්වර්තී පුද්ගල සන්නිවේදන කුසලතා යනු තමා හා තම මනස හා සිදුවන්නා වූ සන්නිවේදන කුසලතාවයි . යම් කටයුත්තක් කිරීමට පෙර අන්තර්වර්තී පුද්ගල සන්නිවේදන කුසලතාව උපයෝගී කර ගැනීම මගින් තමා කරන්නට යන කාර්යය සාර්ථක කර ගත හැකි ය . ගැටලූකාරී තත්ත්වයන් අවම කිරීම හෝ නැති කිරීම හැකියාවක් පවතී . මෙමගින් අන් පුද්ගලයින් අතරින් තමා විශේෂ වන්නේ කෙසේ ද යන වග පිළිබදව අවබෝධයක් ඇති වේ . සන්නිවේදන කි‍්‍රයාවලියේ පදනම වන්නේ ද අන්තර්වර්තී පුද්ගල සන්නිවේදනයයි . එනම් එහි ඇති කුසලතා අවබෝධ කර ගැනීම ඉතා වැදගත් වේ . සිතීමේ කි‍්‍රයාවලිය කි‍්‍රයාත්මක වන්නේ සිත උපයෝගී කරගෙනයි . එබැවින් සන්නිවේදන කි‍්‍රයාවලිය සාර්ථක වීමට නම් සිත හසුරුවා ගැනීම නිපුණ කර ගත යුතු ය . එසේ ම තාර්කික චින්තනය ද මෙහි දී වැදගත් වෙයි . යම් ගැටලූවක් ඇති විට ගැටලූවේ ස්වභාවය ආදිය  තාර්කිකත්වය සම්බන්ධයෙන් අන්තර්වර්තීව සිතා කටයුතු කිරීම වැදගත් වේ .



පුද්ගලාන්තර සන්නිවේදන කුසලතා

පුද්ගලාන්තර සන්නිවේදන කුසලතාව ද වෘත්තීය සාර්ථකත්වය කෙරෙහි වැදගත් වේ . පුද්ගලයින් දෙදෙනෙකු අතර සිදුවන සන්නිවේදනය මෙනමින් හැදින් වේ . මෙම සන්නිවේදන කුසලතාව සාර්ථක වීමට විවිධ කරුණු බලපායි .

    අදහස් එක හා සමාන වීම
    එක හා සමාන සමාජ පසුබිම
    දෙදෙනාම දන්නා භාෂාවක් පැවතීම
    දැනුම් මට්ටම එක සමාන වීම
එසේම පුද්ගලාන්තර සන්නිවේදනයේ දී ඉවසීමේ කුෂලතාව , සංජානනය ආදිය පැවතීම ද ඉතා වැදගත් වේ . අනෙක් පුද්ගලයන්ගේ මතයට ඉඩ දිය යුතු ය . ඉවසීමෙන් යුතුව කටයුතු කළ යුතු ය . ගැටුම් නිරාකරණය තුළ ඇති ඵලදායි සන්නිවේදනය ලෙස පුද්ගලාන්තර සන්නිවේදනය හදුනාගත හැකි ය . පුද්ගලයින් සමග ගනුදෙනු කිරීමේ දී අදහස් හුවමාරුවේ දී අනෙක් පුද්ගලයාගේ ගරුත්වයට හානි නොවන අයුරින් කටයුතු කළ යුතු ය . මෙම කුසලතා වර්ධනය කර ගැනීම මගින් ගැටලූකාරී තත්ත්වයන් ඇති නොවේ.

කුඩා කණ්ඩායම් සන්නිවේදන කුසලතා
    කුඩා කණ්ඩායම් සන්නිවේදන කි‍්‍රයාවලිය තුළ දී ද එයට අදාල කුසලතා වර්ධනය කර ගැනීම වැදගත් සාධකයකි . මෙහි දී කුඩා සමූහයක් සිටියි . වෘත්තීය ජීවිතය තුළ ද මෙවැනි කණ්ඩායම් හදුනාගත හැකි ය . මෙම කණ්ඩායම් තුළ සිටින්නා වූ පුද්ගලයින්ගේ අදහස් හුවමාරුව විවිධාකාර වේ . කුඩා කණ්ඩායම් සන්නිවේදනය තුළ දී මෙම පිරිස විසින් ඉදිරිපත් කරනු ලබන සියලූ මතයන් තුළින් යම්කිසි යහපත් යෝග්‍ය මතයක් පොදු මතයක් ගොඩනගා ගැනීම මගින් ගැටලූකාරී තත්ත්වයන් මගහරවා ගත හැකි ය . සමූහය අතර සමගිය ගෙඩනැගෙන හා බිද වැටෙන එකම සාධකය නම් සන්නිවේදනයයි . එම නිසා සියල්ලන් කෙරෙහිම අවබෝධයෙන් කටයුතු කිරීම වැදගත් වේ . මෙහි දී වගකීම හා වගවීම ද ඉතා වැදගත් කරුණු ද්විත්වයක් ලෙස සදහන් කළ හැකි ය . තව ද විසම්මුතිය , එකගත්වය , ආචාරශීලිත්වය ද ගැවතිය යුතු ය .
 එසේම යම් සන්නිවේදන කටයුත්තක් සාර්ථක කර ගැනීමට සවන්දීමේ කුසලතාව පැවතීම ඉතා වැදගත් වේ . හොදින් ශ‍්‍රවන තත්ත්වය පැවතීම මගින් සන්නිවේදන කාර්ය ඵලදායි කර ගත හැකි ය . සවන්දීම යනු අවධානයෙන් තොරතුරු ග‍්‍රහණය කර ගැනීම ලෙස සරලව හදුනාගත හැකි ය . ශ‍්‍රවනය  නිපුණතාවන් ලෙස තබා ගැනීම ඉතා වැදගත් වේ. එමගින් මතක ශක්තිය ද පුළුල් වේ . ශ‍්‍රවනයේ අවස්ථා හතරක් ලෙස ඇසීම , තේරුම් ගැනීම , ඇගයීම , ප‍්‍රතිකි‍්‍රයා දැක්වීම යන ඒවා හදුනාගත හැකි ය .

අන්තර් සංස්කෘතික සන්නිවේදන කුසලතා
    සමාජයක් තුළ සිටින්නා වූ සියලූම සාමාජිකයින්ගේ සංස්කෘතිය එක හා සමාන නොවේ . විවිධ සංස්කෘතීන් පවතී . නමුත් මෙහි දී සෑම සංස්කෘතියක්ම එක හා සමාන බවත් කිසියම් සංස්කෘතියක් කිසි විටෙක යටපත් නොවීම අවශ්‍ය වේ . තම සංස්කෘතිය පමණක් නොව අනෙක් සංස්කෘතින් පිළිබදවද අවබෝධයක් පැවතීම ඉතා වැදගත් වේ . අන් සංස්කෘතීන්ට ද ගෞරවය දැක්විය යුතු ය . මෙම සාධක නිසි අයුරින් දැන ගැනීම මගින් වෘත්තීමය ජීවිතය ද සාර්ථක කර ගත හැකි ය .

නිර්වාචික සන්නිවේදන කුසලතා
    නිර්වාචික සන්නිවේදනය යනු වචන භාවිතයෙන් තොරව සන්නිවේදන කාර්යයේ නියැලීමයි . එනම් මුහුණේ ප‍්‍රකාශන , ඇස් සම්බන්ධතාවය කටහඩ පාලනය , විවිධ අංගචලන ආදිය මගින් සන්නිවේදනය සිදු කිරීමයි . එසේ නොමැති වූ විට ගැටලූකාරී තත්ත්වයන් ඇති නොවේ . නිර්වාචික සන්නිවේදනය මගින් සුවිශේෂී සන්නිවේදන කාර්යයක් ඉටු කරයි . වචන වලට වඩා මෙමගින් ප‍්‍රකාශිත දේ ප‍්‍රබල විය හැකි ය .

ප‍්‍රශ්න ඇසීමේ කුසලතා
    සන්නිවේදන කටයුත්තක් සිදු කිරිමේ දී ප‍්‍රශ්න යොමු කරයි . ප‍්‍රශ්න විවිධ අයුරින් ඇසිය හැකි ය . අන් පුද්ගලයින්ගේ අවධානය තමා වෙතට ලබා ගත යුතු ය . මධ්‍යස්ථ අයුරින් ප‍්‍රශ්න ඇසිය යුතු ය . අධිපතිවාදීව ප‍්‍රශ්න නොනැගිය යුතු ය . අධිපතිවාදි ලෙස ප‍්‍රශ්න නැගුවිට යහපත් සන්නිවේදන කාර්යයක් සිදුකර ගත නොහැකි ය . මධ්‍යස්ථ අයුරින් ප‍්‍රශ්න නැගීම මෙහි දී යෝග්‍ය වේ . ප‍්‍රශ්න ඇසීමේ දී නිරවුල් බව , වේගය , පැහැදිලි බව , වේගය පාලනය කිරීම , ඉවසීම , සංයමය , ආවේගශීලි නොවීම යන කරුණු ද මේ හා සම්බන්ධ වේ .
සම්මුඛ සාකච්ජා පැවැත්වීමේ කුසලතා
    සම්මුඛ සාකච්ජා යනු සමූහයක් අතර කිසියම් කරුණක් කේන්ද්‍ර කර ගනිමින් සිදුවන කතාබහකි . මෙහි දී සමූහයේ සියලූම සාමාජිකයින් සම්මුඛව හෙවත් මුහුණට මුහුණලා සිටිය යුතු ය . එවිට අනෙක් සියලූම දෙනාට නිරීක්ෂණය කළ හැකි ය . නව අදහස් උත්පාදනය කර ගැනීමට , ගැටලූ විසදාගැනීමට හැකි වීම සැගවුණ අදහස් ප‍්‍රකාශකරවා ගත හැකි වීම බොහෝ එකගතාවන් ඇති කර ගැනීමට හැකි වීම මෙමගින් ඉටු කර ගත හැකි ය . සම්මුඛ සාකච්ජාවන් ද්විවිධ වේ .
x    කේවල සම්මුඛ සාකච්ජා
x    ඉලක්ක කණ්ඩායම් සම්මුඛ සාකච්ජා
ඉලක්ක පුද්ගකයෙකු සමග දිගු වේලාවක් කතාබහේ යෙදීම කේවල සම්මුඛ සාකච්ජා වන අතර ඉලක්ක කණ්ඩායම් සම්මුඛ සාකච්ජා යනු යම් පිරිසක් සමග සාකච්ජා කිරීමයි . මෙය ද වෘත්තීමය වශයෙන් වැදගත් වන බව හදුනාගත හැකි ය .
සංවිධනාත්මක සන්නිවේදන කුසලතා
    යම් ආයතනයක් මගින් සමස්ථ අරමුණු සියල්ල සාධනය කර ගැනීම සදහා බාහිර හා අභ්‍යන්තර වශයෙන් සැලසුම් සහගතව සිදු කරනු ලබන සන්නිවේදනය සංවිධානාත්මකව සන්නිවේදන කුසලතාව ලෙසින් හදුනාගත හැකි ය . ආයතනයක් තුළ මෙම සංවිධානත්මක බව පැවතීම එම ආයතනයේ දියුණුවට බොහෝ උපකාරී වේ .
යම් වෘත්තීමය කටයුත්තක් සාර්ථක කර ගැනීමට මෙම කුසලතාවයන් තමන් සතු කර ගැනීම ඉතා යහපත් වේ . තමන් ගැන පමණක් නොව අන් අය ගැන ද සිතා ඔවුන්ගේ අදහස් ද පිළිගනිමින් කි‍්‍රයා කිරීමට මෙම සන්නිවේදන කුසලතාව අනුගමනය කිරීම ඉතා වැදගත් වේ . මේ අනුව පෙනී යන්නේ සන්නිවේදන කුසලතා වෘත්තීය සාර්ථකත්වය කෙරෙහි වැදගත් වන ආකාරය කෙසේද යන බවයි .



සෙව්වන්දි රශ්මිලා අධිකාරී