යථාර්ථය

යථාර්ථය

මාලිග යාන වාහන සුර සැප                               සොයනා
කන්ට සුපිරි හෝටල් වෙත                               පියමනිනා
ඉන්ට සුව පහසු ආසනයන්                               ගෙනෙනා
ජීවිත කිමද මෙලොවට නීරස                                 මවනා

එකත් පසෙක දුප්පත්කම                                    ලූහුබදිනා
කන්ට කෑමවත් දවසට නොම                               ලැබෙනා
ලෙඩ දුක් මන්ද පෝෂණ ප‍්‍රබලව                            තිබෙනා
අර්ථය කිමද මේ සසරේ සැරි                                    සරනා

සියල් මිනිස් ජීවිත එක සේ                                       වටිනා
කිමද එහෙව් රට තුළ ගුණමකු                                  මිනිසා
තම ජීවිතය පමණකි ලෙස                                  සිහි කරනා
කුමට උපන්ද මිනිසුන් මේ                                      ලෙසිනා

දුප්පත් පොහොසත් භේද රට තුළ                       ඔද වැඩෙනා
මෙය අරුමයක් නොව රට පහතට                           වැටෙනා
දුර්ජන මිනිස් රට විපතට ඇද                                       දමනා
මෙයයි අරුත දෙව් ලොව නිරයක්                              කරනා

ඉන්නට සුපිරි මාලිග   නොම                                     සෙව්වා
කන්නට සුපිරි හෝටල්  නොම                                  සෙව්වා
ජීවත් වෙන්න අහරක් දිනකට                                    සෙව්වා
නොලැබුණ කමට මෙය නොලැබුම බව                      සිතුවා


සෙව්වන්දි රශ්මිලා අධිකාරි